"Манчестер Юнайтед" жамоани кучайтириш устида ишлашда давом этмоқда. Foot Mercato нашри тарқатган хабарга кўра "қизил иблислар" "ПСЖ" ҳужумчиси Рандаль Коло-Муани учун курашга киришди. 26 ёшли французни Премьер-лиганинг яна бир номдор клуби - Чемпионлар лигасида ҳаракат қиладиган "Ньюкасл" ҳам ўз сафида кўришни истамоқда.
Коло-Муанига яна "Ювентус" ҳам даъвогарлик қилмоқда. Ўтган мавсумнинг иккинчи қисмида Рандаль ижара асосида Турин клубида ўйнаган ва "кекса синьора" ҳамкорликни давом эттиришни истамоқда. Коло-Муани "Юве" сафида 22 та ўйинда майдонга тушиб, 10 та гол урган.
Transfermarkt портали Рандаль Коло-Муанини 30 миллион еврога баҳоламоқда.
