"Реал" ҳимоя чизиғи тўлиқ бўлмаган деб ҳисобламоқда. Мадрид клуби юқори савияли ҳимоячини ўз сафига қўшиб олишдан бош тортмаяпти ва Ибраима Конате каби футболчига мурожаат қилди. L’Equipe маълумотига ишонадиган бўлсак, "Реал" аллақачон мерсисайдликларни қайси таклиф кўндира олиши борасида "Ливерпуль" билан боғланган.
Қайд этилишича, "Реал" Конате учун дастлаб 20-25 миллион евро таклиф қилиш имкониятини кўриб чиқмоқда. Бироқ, "Ливерпуль" франциялик футболчини 50 миллионга баҳоламоқда.
Вазиятга 26 ёшли Конатенинг "Ливерпуль" билан амалдаги шартномаси келаси ёзгача имзолангани таъсир қилиши мумкин. Яъни бир йилдан кейин французни текинга қўлга киритиш мумкин бўлади.
