"Бавария" "Штутгарт"нинг 23 ёшли ҳужумчиси Ник Вольтемаде трансфери бўйича музокаралардан чиқди. Бу ҳақда Bild хабар бермоқда.

Манбага кўра, Мюнхен клуби ҳозирча "Штутгарт" билан музокараларни тўхтатиб, эътиборни "Ливерпуль" вингери Луис Диасни сотиб олишга қаратишга қарор қилган. Аниқлик киритилишича, агар "швабияликлар" муросага келишга тайёрлигини намойиш этмаса, "Бавария" янги таклиф билан чиқмаслиги мумкин. Ҳозирда ҳужумчини сотиб олишга янги уринишлар режалаштирилмаган.

Ўтган мавсумда Вольтемаде барча мусобақаларда 33 та ўйинда майдонга тушиб, 17 та гол ва 3 та голли узатмани амалга оширди.