"Bavariya" "Shtutgart"ning 23 yoshli hujumchisi Nik Voltemade transferi bo‘yicha muzokaralardan chiqdi. Bu haqda Bild xabar bermoqda.
Manbaga ko‘ra, Myunxen klubi hozircha "Shtutgart" bilan muzokaralarni to‘xtatib, e’tiborni "Liverpul" vingeri Luis Diasni sotib olishga qaratishga qaror qilgan. Aniqlik kiritilishicha, agar "shvabiyaliklar" murosaga kelishga tayyorligini namoyish etmasa, "Bavariya" yangi taklif bilan chiqmasligi mumkin. Hozirda hujumchini sotib olishga yangi urinishlar rejalashtirilmagan.
O‘tgan mavsumda Voltemade barcha musobaqalarda 33 ta o‘yinda maydonga tushib, 17 ta gol va 3 ta golli uzatmani amalga oshirdi.
