Бу ёзда "Реал Мадрид" янги ўйинчиларга катта миқдорда сармоя киритди. "Қаймоқранглилар" таркибини Дин Хёйсен (“Борнмут”), Альваро Каррерас (“Бенфика”) ва Трент Александер-Арнольд (“Ливерпуль”) кабу футболчилар билан кучайтирган бўлса, август ойида Хаби Алонсо жамоасига Франко Мастантуоно (“Ривер Плейт”) қўшилади.

Умуман олганда, "Реал Мадрид" трансферлар учун тахминан 178 миллион евро сарфлади ва бу 2019 йилнинг ёзидан буён клубнинг энг қиммат трансфер ойнасига айланди. Ўтган мавсумда Мадрид гранди "Барселона"га Ла Лига чемпионлигини бой берди, шунингдек, Испания кубоги ва Испания Суперкубоги финалида каталонияликларга мағлуб бўлди. Чемпионлар лигасида жамоа чорак финалгача етиб борди ва у ерда “Арсенал”дан мағлуб бўлган бўлса, яқинда бўлиб ўтган клублар ўртасидаги жаҳон чемпионатида “ПСЖ”га ютқазди.