Ҳужумчи Юго Экитике "Айнтрахт"дан "Ливерпуль"га ўтмоқда. The Athletic нашрининг ёзишича, Англия чемпионлари аллақачон келишувга эришган. "Қизиллар" 69 миллион фунт (80 миллион евро) тўлайди. Бонуслар ҳисобига трансфер суммаси яна 10 миллион фунтга (11,5 миллион евро) ошиши мумкин.
Экитике "Ливерпуль" билан 6 йиллик шартнома имзолайди. 23 ёшли футболчи тиббий кўрикдан ўтгач, Гонконгда жамоа сафига бориб қўшилади.
"Ливерпуль" аллақачон янги мавсумга тайёргарлик кўрмоқда. Арне Слот жамоаси илк расмий ўйинини 10 август куни Англия Суперкубоги доирасида "Кристал Пэлас"га қарши ўтказади.
