Клублар жаҳон чемпионатидаги иштирок "Челси"ни мавсумолди тайёргарлигини қисқартиришга мажбур этди. Лондон клуби янги мавсумга тайёргарликни ўз базасида олиб боришини эълон қилди. "Аристократлар" ўртоқлик турнири доирасида "Стэмфорд Бриж"да иккита ўйин ўтказади.
"Челси"нинг ўртоқлик турниридаги рақиблари "Байер" (8 август) ва "Милан" (10 август) жамоалари бўлади.
Эслатиб ўтамиз, "Челси" клублар жаҳон чемпионатида ғолиб бўлди. Мусобақа финалида Энцо Мареска жамоаси кутилмаганда "ПСЖ"ни 3:0 ҳисобида мағлубиятга учратди.
Англия чемпионати август ойи ўрталарида бошланади.
