Мадриднинг "Реал" клуби марказий ҳимоячиси Хакобо Рамон "Комо"га ўтади.
Аввал хабар қилинганидек, 20 ёшли футболчи Италия клубига розилик билдирган. Журналист Жанлука ди Марционинг янгиланган маълумотларига кўра, "Реал" "Комо" билан келишувга испаниялик футболчини 8 млн евро эвазига биринчи навбатда қайта сотиб олиш ҳуқуқини қўшишга келишиб олган. Пункт кейинги уч йил давомида амал қилади.
Хакобо Рамоннинг ҳозирги нархи Transfermarkt мутахассислари томонидан 1 млн еврога баҳоланмоқда. "Қаймоқранглилар"нинг ёш тарбияланувчиси асосан "Кастилья"да ўйнаган ва Мадрид грандининг асосий жамоасида атиги олти марта ўйнаган.
