"Манчестер Юнайтед" Франкфуртнинг "Айнтрахт" клуби ҳужумчиси Юго Экитикени трансфер қилишга уриниб кўрди.
Маълумки, "Ливерпуль" аллақачон француз бўйича келишувни ёпган - трансфер яқин кунларда амалга ошиши керак. Журналист Дэвид Орнштейннинг ёзишича, ўтган ҳафта "Манчестер Юнайтед" "Ливерпуль"дан Экитикени тортиб олишга уринган, аммо бу уриниш муваффақиятсиз якунланган, чунки мерсисайдликлар билан келишувга эришилган эди.
"Айнтрахт"нинг 23 ёшли форварди трансфери "Ливерпуль"га бонусларни ҳисобга олган ҳолда 90 млн евродан кўпроққа тушади. Ўтган мавсумда футболчи барча мусобақаларда 48 та ўйинда майдонга тушиб, 22 та гол ва 12 та голли узатмани амалга оширди.
