"Манчестер Юнайтед"нинг трансфер кампанияси ҳали якунланмади. Яқинда клуб "Брентфорд" билан узоқ давом этган музокаралардан сўнг Брайан Мбеумони ўзининг янги аъзоси сифатида расман таништирди. Энди "қизил иблислар" бошқа позицияларни кучайтиришга эътибор қаратмоқчи: журналист Девид Орнштейннинг ёзишича, манкунианликлар ёзги трансфер ойнаси ёпилгунга қадар янги марказий ҳужумчи, таянч ярим ҳимоячиси ва дарвозабонни ўз сафига қўшиб олишни режалаштирмоқда.
Матеус Кунья ва Брайан Мбеумонинг трансфери "Манчестер Юнайтед"га 150 миллион евродан кўпроққа тушди, клуб ҳозирча ҳеч кимни сотгани йўқ.
Ўтган мавсумда Рубен Аморим жамоаси Премьер-лига турнир жадвалида 15-ўринни эгаллаган эди.
