Мадриднинг "Реал" клуби "Комо"нинг марказий ҳимоячи Хакобо Рамон бўйича таклифини қабул қилди.
Италия клуби 20 ёшли футболчи учун 2,5 млн евро ва бонуслар тўлайди, дея хабар бермоқда инсайдер Николо Скира. "Қаймоқлилар" учун асосий фойда шундаки, улар ўз тарбияланувчисини келажакда қайта сотишнинг 50 фоизини оладилар. Бундан ташқари, мадридликлар келишувга марказий ҳимоячини биринчи навбатда қайта сотиб олиш ҳуқуқини ҳам киритган.
Аввалроқ, "Реал" испаниялик футболчини кейинги 3 йил ичида 8 млн еврога қайтариши мумкинлиги ҳақида хабарлар тарқалган эди.
Хакобо Рамоннинг "Комо" билан шартномаси 2030 йилнинг ярмигача мўлжалланган.
