"Барселона" клуби ва Англия терма жамоасининг собиқ футболчиси Гари Линекер яна бир бор Маркус Рэшфорднинг Каталония клубига ўтиши ҳақида фикр билдирди.
"Манчестер Юнайтед"да нимадир нотўғри кетаётгани аниқ. Рэшфорд - ажойиб футболчи. У жуда тезкор, жуда хавфли футболчи ва яхши инсон. Умид қиламанки, у ўз даражасини кўрсата олади. Маркусда катта истеъдод бор ва у "Барселона" учун қимматли харид бўлади, деб ўйлайман. Унинг трансферидан жуда хурсандман," - дея Линекернинг сўзларини келтиради Sky Sports.
Маркуснинг "Барса"га ўтиши ҳақида сешанба оқшомида инсайдер Фабрицио Романо хабар берди. Келишув тафсилотлари ҳозирча ошкор этилмаяпти.
