Камерун футбол федерацияси президенти Самуэль Это'О ташкилотдан 600 минг доллар ўғирлаган бўлиши мумкин, деб хабар беради Actu Cameroun.
Федерация раҳбари бўлган манбанинг маълум қилишича, Это'О жиноий тил бириктириш орқали пул ювишда гумон қилинмоқда. Собиқ футболчи 600 минг долларни ўғирлаган бўлиши мумкин. Бу Камерун терма жамоаси футболчилари учун 2023 йилги Мексикага қарши ўйин учун мўлжалланган мукофот пули миқдоридир. Футболчилар тўловларни олмаган.
Қайд этилишича, Это'О устидан Федерал қидирув бюроси ва АҚШ Адлия вазирлигига шикоят қилинган.













