Жамшид Искандаров оёғига гипс қўйилди

29 июнь, шанба куни Анталиядаги Акдениз университети стадионида U-20 ЖЧ-2013 «F» гуруҳи 3-тур учрашувлари доирасида Ўзбекистон ва Уругвай ёшлар терма жамоалари ўртасидаги ўйин бўлиб ўтди.

4:0 ҳисобида Уругвай терма жамоаси ғалабаси билан якунига етган учрашувнинг 32-дақиқасида Ўзбекистон ёшлар терма жамоаси етакчи ярим ҳимоячиси Жамшид Искандеров тўп учун кураш вақтида рақиб футболчиси билан тўқнашиб, жароҳат олди. Майдонни шифокорлар ёрдамида тарк этган футболчи ўрнини 34-дақиқада ярим ҳимоячи Жалолиддин Машарипов эгаллади.

Учрашув якунига етгач, Анталиядаги маҳаллий шифохоналардан бирида «Пахтакор» вакилининг ўнг оёғига гипс қўйилди. Ўзбекистон U-20 ёшлар терма жамоаси шифокори Владимир Пелипейконинг сўзларига кўра, Искандеров икки ҳафтадан сўнг машғулотларда тўлақонли иштирок этиши мумкин бўлади.

Жамшид Искандеров Ўзбекистон U-20 ёшлар терма жамоасининг энг асосий ўйинчиларидан бири ҳисобланади. Жумладан, U-20 ЖЧ-2013 гуруҳ босқичи доирасида Хорватияга қарши кечган ўйинда ўзбекистонлик футболчилар айнан Жамшид Искандеровнинг жарима зарбасидан сўнг ҳисобни очишга муваффақ бўлишганди.

Уругвайга қарши ўйиндан сўнг бўлиб ўтган матбуот анжуманида, Ўзбекистон U-20 ёшлар терма жамоаси бош мураббийи Аҳмаджон Мусаев таркибда Искандеров ўрнини тўлдира оладиган футболчилар борлигини таъкидлаган эди.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

15/09 00:00	Вильярреал	1-2	Бетис
15/09 00:00	Лидс	4-1	Ньюкасл
15/09 15:00	Тэжон Хана Ситизен	1-0	Кёто Санга
15/09 15:00	Гамба Осака	4-1	Конган Ханой
15/09 15:00	Кашима Антлерс	7-1	Ньюкасл Жетс
15/09 15:00	Ратчабури	4-6	Шангхай Порт
15/09 17:15	Бейжинг Гуоан	3-1	Поханг Стилерс
15/09 17:15	Жоҳор Дорул Таъзим	1-1	Бурирам Юнайтед
15/09 21:00	Ал-Айн	-	Ан-Наср (СА)
15/09 22:00	Райо Вальекано	-	Эспаньол
15/09 23:15	Ал-Ҳилол	-	Ал-Ғарафа
16/09 15:00	Чонбук Моторс	-	Кашива Рейсол
16/09 17:15	Порт	-	Виссел Кобе

Жамшид Искандаров оёғига гипс қўйилди

ЭНГ КЎП ЎҚИЛГАН ЯНГИЛИКЛАР