"Манчестер Сити" ва Англия терма жамоасининг 29 ёшли вингери Жек Грилиш "Наполи" футболчисига айланиши мумкин. Бу ҳақда Италиянинг Corriere dello Sport нашри хабар бермоқда.
Нашр маълумотларига кўра, Грилиш дам олиш учун Неаполга келган, бироқ шу билан бирга у Италиянинг амалдаги чемпиони қизиқиш билдираётган футболчилар қаторида.
"Наполи" Грилишдан ташқари бошқа футболчиларни ҳам ўз сафига қўшиб олишга ҳаракат қилмоқда - улар орасида "Болонья"дан Дан Ндойе (унинг учун 9 миллион таклиф қилган) ва "Ливерпуль"дан Федерико Кьеза (уни ҳам "Рома" нишонга олган) бор.
Ўтган мавсумда Грилиш клуб миқёсида 32 та ўйинда 3 та гол урди ва 5 та голли узатмани амалга оширди. Унинг бозор қиймати 28 миллион еврога баҳоланмоқда.
