"Manchester Siti" va Angliya terma jamoasining 29 yoshli vingeri Jek Grilish "Napoli" futbolchisiga aylanishi mumkin. Bu haqda Italiyaning Corriere dello Sport nashri xabar bermoqda.

Nashr ma’lumotlariga ko‘ra, Grilish dam olish uchun Neapolga kelgan, biroq shu bilan birga u Italiyaning amaldagi chempioni qiziqish bildirayotgan futbolchilar qatorida.

"Napoli" Grilishdan tashqari boshqa futbolchilarni ham o‘z safiga qo‘shib olishga harakat qilmoqda - ular orasida "Bolonya"dan Dan Ndoye (uning uchun 9 million taklif qilgan) va "Liverpul"dan Federiko Kyeza (uni ham "Roma" nishonga olgan) bor.

O‘tgan mavsumda Grilish klub miqyosida 32 ta o‘yinda 3 ta gol urdi va 5 ta golli uzatmani amalga oshirdi. Uning bozor qiymati 28 million yevroga baholanmoqda.