"Барселона" ҳужумчи Пау Викторни "Брага"га сотмоқда. Португалия клуби трансфернинг барча шартларини келишиб олган: маълумотларга кўра, битим қиймати бонусларни ҳисобга олмаганда 12 млн еврони ташкил қилади. Diario Sport нашрининг маълум қилишича, 23 ёшли испаниялик футболчининг трансфери яқин соатларда эълон қилинади.

Пау Виктор "кўк-анорранглилар"нинг асосий жамоаси сафида 29 та ўйинда майдонга тушиб, иккита гол урган ва битта голли узатмани амалга оширган. Ўтган ёзда "Барса" ҳужумчини "Жирона"дан 2,7 млн еврога сотиб олган эди.

Португалия чемпионатининг ўтган мавсумида "Брага" ўзи учун одатий бўлган тўртинчи ўринни эгаллади.