"Марсель" "Ювентус" билан Тимоти Веа трансфери бўйича музокараларни давом эттирмоқда.
Вингер Францияга қайтишга ва Роберто де Дзерби жамоаси сафини тўлдиришга тайёр, аммо клублар ўртасида келишувга эришилмаган. La Gazzetta dello Sport хабарига кўра, "провансалликлар" 25 ёшли футболчи учун тахминан 15 млн евро таклиф қилмоқда, "кекса синьора" эса 20 млн евро сўрамоқда.
Тимоти Веа 2023 йилнинг ёзида "Лилль"дан 11 млн евро эвазига "Ювентус"га ўтганди. Америкалик Турин жамоаси сафида 78 та ўйинда майдонга тушиб, ўз ҳисобига еттита гол ва шунча ассист ёздириб қўйган. Transfermarkt портали футболчининг нархини 17 млн еврога баҳоламоқда.
