"Ливерпуль" Луис Диасни сотиб юборган тақдирда янги вингерни ўз сафига қўшиб олади. Колумбиялик футболчига "Бавария" даъвогарлик қилмоқда, у катта эҳтимол билан футболчининг қимматбаҳо трансферини амалга ошира олади. Инсайдер Фабрицио Романонинг маълум қилишича, "Ливерпуль" Диас кетадиган бўлса, ҳужум чизиғига янги футболчи олиб келмоқчи. Асосий мақсадлардан бири "Лион" вакили Малик Фофана ҳисобланади, аммо бошқа номзодлар ҳам кўриб чиқилмоқда.

Луис Диаснинг "Бавария"га трансфер нархи 70 млн евродан ошиши мумкин.

Эслатиб ўтамиз, жорий ёзда "Ливерпуль" янги футболчилар учун 300 млн евродан ортиқ маблағ сарфлаган эди. Куни кеча жамоа сафига ҳужумчи Уго Экитике қўшилди.