Эмерсон Рояль "Фламенго"га ўтади.
Аввалроқ, Бразилия клуби "Бешиктош" билан келишувга эришгани ва тиббий кўрикдан ўтиши режалаштирилганига қарамай, ҳимоячи учун курашга киришгани маълум бўлганди.
Инсайдер Фабрицио Романонинг маълум қилишича, бразилияликлар "Милан" билан оғзаки келишувга эришган. Эмерсоннинг ўзи трансферга розилик берган.
Ҳозирда клублар бразилиялик футболчини 9 миллион еврога сотиш бўйича ҳужжатлар алмашмоқда.
"Фламенго" директори Жозе Боту "Бешиктош" билан боғлиқ вазиятга аралашди, шундан сўнг турк клуби курашни тарк этди, дея таъкидлайди Романо.
Ўтган мавсумда Эмерсон "Милан" сафида А Серияда 17 та ўйинда майдонга тушган.
