Саудия Арабистонининг "Ал-Аҳли" клуби марказий ярим ҳимоячиси Франк Кесси яна Италиянинг "Фиорентина" клубининг трансфер мақсадлари қаторидан жой олди. Бу ҳақда журналист Жанлука Ди Марционинг сайти хабар бермоқда.
Аввалроқ ўша манба флоренцияликлар катта харажатлар туфайли ивуарликни сотиб олмайди, деб хабар берган эди, аммо энди вазият ўзгармоқда. Клуб вакиллари тез орада харид қилиш имконияти ҳақида сўров юбориши керак бўлади. Шунингдек, улар футболчини ўз сафига ўтишга кўндириш учун яхшилаб ҳаракат қилишлари кераклиги таъкидланган.
Ўтган мавсумда 28 ёшли Кесси клуб миқёсида 44 та ўйинда 4 та гол ва 5 та голли узатмага муаллифлик қилган. Унинг бозор қиймати 14 миллион еврога баҳоланмоқда.
