Мюнхеннинг "Бавария" клуби сафида тўп тепган германиялик ҳужумчи Томас Мюллер нима учун профессионал фаолиятини якунламасликка қарор қилгани ҳақида гапириб берди. Аввалроқ Мюллер МЛСнинг қайсидир клуби билан шартнома имзолаши хабар қилинганди.

"Футбол ўйнаш истаги ҳеч қаерга кетмади, шунинг учун давом этишга қарор қилдим. Мен ҳозир ҳам футболчиман. Менга бу спорт турига хос бўлган босим ёқади, натижага эришиш ёқади. Танам чидар экан, шундай имкониятдан фойдаланиб, ўйнашни истайман. Европа ва Чемпионлар Лигасида бошқа ўйнамасам ҳам, бу мен учун барибир ҳаяжонли. Келажак менга нима олиб келишини сабрсизлик билан кутмоқдаман. МЛС? Албатта, мен бу ҳақда ўйладим. Бу қизиқарли лига," - дея Мюллернинг сўзларини келтиради Bayern & Germany X ижтимоий тармоғида.

35 ёшли Мюллер 2025 йилнинг ёзида клублар ўртасидаги жаҳон чемпионати якунлангач, "Бавария"ни тарк этганди. Умуман олганда, мюнхенликлар сафида ҳужумчи барча мусобақаларда 756 та ўйин ўтказиб, 250 та гол ва 276 та голли узатмани амалга оширган.