Myunxenning "Bavariya" klubi safida to‘p tepgan germaniyalik hujumchi Tomas Myuller nima uchun professional faoliyatini yakunlamaslikka qaror qilgani haqida gapirib berdi. Avvalroq Myuller MLSning qaysidir klubi bilan shartnoma imzolashi xabar qilingandi.
"Futbol o‘ynash istagi hech qayerga ketmadi, shuning uchun davom etishga qaror qildim. Men hozir ham futbolchiman. Menga bu sport turiga xos bo‘lgan bosim yoqadi, natijaga erishish yoqadi. Tanam chidar ekan, shunday imkoniyatdan foydalanib, o‘ynashni istayman. Yevropa va Chempionlar Ligasida boshqa o‘ynamasam ham, bu men uchun baribir hayajonli. Kelajak menga nima olib kelishini sabrsizlik bilan kutmoqdaman. MLS? Albatta, men bu haqda o‘yladim. Bu qiziqarli liga," - deya Myullerning so‘zlarini keltiradi Bayern & Germany X ijtimoiy tarmog‘ida.
35 yoshli Myuller 2025 yilning yozida klublar o‘rtasidagi jahon chempionati yakunlangach, "Bavariya"ni tark etgandi. Umuman olganda, myunxenliklar safida hujumchi barcha musobaqalarda 756 ta o‘yin o‘tkazib, 250 ta gol va 276 ta golli uzatmani amalga oshirgan.
