"Барселона" мухлислари жамоанинг янгиланган "Камп Ноу"га қайтишини кутишга мажбур.
Клуб президенти Жоан Лапорта жамоа ўз майдонида қачон ўйнай олиши аниқ санасини тасдиқлаёлмади, фақатгина бу имкон қадар тезроқ содир бўлишини маълум қилди.
"Қачонлигини аниқ билмайман, аммо иложи борича тезроқ бўлади. Гап шундаки, бажарилган ишлар ҳажми ва шаҳар кенгаши билан олиб борилган музокаралар бизни қурилиш ишлари режасини қайта кўриб чиқишга мажбур қилди. Бу эса аввал белгиланган муддатларга таъсир кўрсатди, гарчи биз "Spotify Camp Nou"ни секторлар бўйича ишга туширишни таклиф қилган бўлсак-да.
Бошқа клублар ўз стадионлари билан шундай йўл тутишган, шаҳар кенгашининг қарори эса жуда аниқ эди: ишларнинг бориши фойдаланишга топшириш учун биринчи рухсатномани олишни имконсиз қилиб қўйди. Бизга айнан шу рухсатнома етишмаяпти," - деди Лапорта.
