Мадриднинг "Атлетико" клуби ярим ҳимоячиси Коке клубни қандай шарт билан тарк этишини айтди.
Испаниялик футболчи фаолияти давомида "матрасчилар" шарафини ҳимоя қилиб келмоқда. Июнь ойи бошида 33 ёшли хавбек ўзи учун қадрдон бўлган клуб билан келаси йилнинг ярмигача мўлжалланган янги шартнома имзолаганди.
"Мен бу ерда маълум талабларни бажаришга қодир бўлгунимча ўйнашда давом этаман. Клуб билан келишувим шундай. Бу талабларга жавоб беролмасам, ҳаммаси тамом бўлади - вақт келди, деб биринчи бўлиб айтаман. Унгача бор кучим билан 100% ҳаракат қиламан," - дея "Атлетико" сардорининг сўзларини келтиради El Larugero.













