Италиянинг "Наполи" клуби янги аъзоси Кевин де Брюйне Антонио Конте ва Хосеп Гвардиоланинг мураббийлик фаолиятидаги фарқлар ҳақида гапирди.
"Пеп ҳужумкорроқ услубга эга бўлиши мумкин, Конте эса бироз ҳимояга мойилроқ, аммо буни аниқ айтиш қийин. Биз атиги 10 кун бирга ишладик, Гвардиола билан эса 9 йил ишлаганман," - дея бельгиялик ярим ҳимоячининг сўзларини келтиради Sky Sport.
Де Брюйне 2015 йилдан 2025 йилгача "Манчестер Сити"да ўйнаган ва Англия чемпионатида 285 ўйинда 72 та гол урган. У шартномаси тугаганидан кейин эркин агент сифатида жамоани тарк этди ва Италиянинг "Наполи" клубига ўтди.
