"Манчестер Сити" "Ньюкасл"нинг ўнг қанот ҳимоячиси Тино Ливраменто трансфери устида фаол иш олиб бормоқда.
TBR Football нашри тарқатган хабарга кўра "шаҳарликлар" 22 ёшли инглизни ўз сафига қўшиб олиш учун навбатдаги қадамни ташлади ва унинг учун 57 миллион евродан ортиқ маблағ тўлашга тайёр. Манбага кўра, "Ман Сити"нинг қизиқиши янги мавсум олдидан мудофаа қанотини кучайтириш зарурати билан боғлиқ.
Transfermarkt портали маълумотларига кўра, ҳимоячининг бозор нархи 40 млн еврони ташкил этади. 2024/25 йилги мавсумда у барча мусобақаларда 45 та ўйинда майдонга тушиб, битта голли узатма берган.
