"Ливерпуль" устози Арне Слот "Милан"га қарши ўртоқлик ўйинида "қизиллар" таркибида Луис Диас ва Дарвин Нуньеснинг йўқлигига изоҳ берди. Жамоалар ўртасидаги ўйин Гонконгда бўлиб ўтди ва 4:2 ҳисобида Италия клуби фойдасига ҳал бўлди.
"Луис Диас бугун унинг келажаги ҳақидаги миш-мишлар туфайли ўйнамади," - дея Арне Слотнинг сўзларини келтиради Mirror.
Мураббийнинг сўзларига кўра, Нуньеснинг йўқлиги эҳтимолий трансфер билан боғлиқ эмас - уругвайлик футболчи кичик жароҳати туфайли мерсисайдликларга ёрдам бермади.
Бу трансфер ойнасида Диасга "Бавария" фаол қизиқмоқда. Ўтган мавсумда колумбиялик футболчи "Ливерпуль" сафида 50 та ўйинда 17 та гол ва 8 та голли узатмани амалга оширган. Нуньеснинг статистикаси камтарроқ - 47 ўйинда 7 гол ва 7 голли узатма.
