"Манчестер Юнайтед" сардори Бруну Фернандеш клуб ёзда сотиб олган Матеус Кунья ҳақида қандай фикрда эканини айтди.
Бразилиялик футболчи "Вулверхэмптон"дан "қизил иблислар" сафига ўтди. Ҳужумчи яқинда "Вест Хэм" билан ўртоқлик ўйинида (2:1) асосий таркибда майдонга тушиб, жамоага ғалаба қозонишга ёрдам берди.
"Биламизки, бразилияликларнинг аксарияти шовқинли ва қувноқ йигитлардир. Матеус худди шундайлардан - у жуда қувноқ. У тезда ҳамма билан умумий тил топди. Унинг яхшиланиши биз учун муҳим. Таркибнинг салоҳиятини тўлиқ очиб бериш учун барча футболчилар ўртасида алоқа ўрнатишимиз керак," - деди дубль қайд этган Фернандеш Sky Sports'га берган интервьюсида.
"Манчестер Юнайтед" Матеус Куньянинг трансфери учун тахминан 74 млн евро тўлади.













