Сингапурдаги иссиқ об-ҳаво ва илиқ кутиб олиш фонида "Арсенал" янги ҳужумчиси Виктор Дьёкерешни таништирди. Тақдимот "Ньюкасл" билан ўртоқлик ўйини олдидан бўлиб ўтди, унда швед биринчи марта лондонликлар либосида мухлислар қаршисида пайдо бўлди.
"Спортинг" собиқ футболчисининг трансфери ҳақида 26 июль куни маълум бўлди. "Канонирлар" унинг учун 63,5 млн евро тўлаган ва у жорий мавсумдаёқ жамоанинг асосий ҳужумчисига айланишига умид қилган.
Дьёкереш ўз вақтида клуб афсонаси Тьерри Анри ўйнаган 14-рақамни танлади. Ўтган мавсум швед учун ажойиб тарзда ўтди: 52 ўйин, 54 гол, 13 голли узатма.
