Мадриднинг "Реал" клуби "Милан"нинг қизиқишларига қарамай, Фран Гарсияни қўйиб юбормоқчи эмас. Бу ҳақда Milannews.it хабар бермоқда. Манбага кўра, "россонерилар" испан клубидан эҳтимолий трансфер шартларини сўраган ва 25 ёшли ҳимоячини қўйиб юборишга тайёрлиги билан қизиққан.
Бироқ, "Реал" Ферлан Мендининг жисмоний ҳолати билан боғлиқ ноаниқликни ҳисобга олиб, футболчини таркибда сақлаб қолишга қарор қилди.
Фран Гарсия 2024/25 йилги мавсум доирасида Мадриднинг "Реал" клуби сафида 31 та ўйинда майдонга тушиб, жамоадошларига иккита голли узатмани амалга оширди.
