Бундеслига тўпурарларидан бири Беньямин Шешко янги мавсумда Англия Премьер-лигасида ҳаракат қилиши мумкин. Sky Germany нашри тарқатган хабарга кўра айни дамда "Лейпциг" футболчиси билан "Манчестер Юнайтед" ва "Ньюкасл" клублари музокара олиб бормоқда. Иккала клуб ҳам Шешкога ўзларининг спорт лойиҳалари ва молиявий шартларини тақдим этди.
Энди қарорни Шешконинг ўзи ва унинг агентлари қабул қилади. 22 ёшли словениялик футболчи бўлажак клуби билан келишиб олгач, "РБ Лейпциг"га трансфер таклифи келиб тушади.
Беньямин Шешко "РБ Лейпциг"да икки мавсум ўтказди. "Буқалар" сафида 87 та ўйинда форвард 39 та гол урди ва шерикларига 8 та голли узатмани амалга оширди.
