Bundesliga to‘purarlaridan biri Benyamin Sheshko yangi mavsumda Angliya Premyer-ligasida harakat qilishi mumkin. Sky Germany nashri tarqatgan xabarga ko‘ra ayni damda "Leypsig" futbolchisi bilan "Manchester Yunayted" va "Nyukasl" klublari muzokara olib bormoqda. Ikkala klub ham Sheshkoga o‘zlarining sport loyihalari va moliyaviy shartlarini taqdim etdi.
Endi qarorni Sheshkoning o‘zi va uning agentlari qabul qiladi. 22 yoshli sloveniyalik futbolchi bo‘lajak klubi bilan kelishib olgach, "RB Leypsig"ga transfer taklifi kelib tushadi.
Benyamin Sheshko "RB Leypsig"da ikki mavsum o‘tkazdi. "Buqalar" safida 87 ta o‘yinda forvard 39 ta gol urdi va sheriklariga 8 ta golli uzatmani amalga oshirdi.













