Саудия Арабистонининг "Ан-Наср" клуби "Манчестер Юнайтед" вингери Антонига қизиқиш билдирмоқда, деб хабар беради Footmercato нашри. Футболчининг клуб билан амалдаги шартномаси 2027 йилнинг ёзига қадар тузилган.
Манбанинг хабарига кўра, Саудия клуби бразилиялик футболчи учун таклиф билан чиққан. Бироқ, UOL хабарига кўра, "Манчестер Юнайтед" футболчи учун камида 60 миллион евро олишни кутмоқда.
Ўтган мавсумнинг иккинчи ярмида Антони Испания чемпионатида "Бетис" сафида 17 та ўйинда майдонга тушиб, 5 та гол урди ва 2 та голли узатмани амалга оширди. Transfermarkt портали маълумотларига кўра, футболчининг бозор қиймати 35 миллион еврони ташкил қилади.
