Saudiya Arabistonining "An-Nasr" klubi "Manchester Yunayted" vingeri Antoniga qiziqish bildirmoqda, deb xabar beradi Footmercato nashri. Futbolchining klub bilan amaldagi shartnomasi 2027 yilning yoziga qadar tuzilgan.
Manbaning xabariga ko‘ra, Saudiya klubi braziliyalik futbolchi uchun taklif bilan chiqqan. Biroq, UOL xabariga ko‘ra, "Manchester Yunayted" futbolchi uchun kamida 60 million yevro olishni kutmoqda.
O‘tgan mavsumning ikkinchi yarmida Antoni Ispaniya chempionatida "Betis" safida 17 ta o‘yinda maydonga tushib, 5 ta gol urdi va 2 ta golli uzatmani amalga oshirdi. Transfermarkt portali ma’lumotlariga ko‘ra, futbolchining bozor qiymati 35 million yevroni tashkil qiladi.
