Амстердамнинг "Аякс" клуби ҳимоячиси Йоррель Хато "Челси" билан узоқ муддатли шартнома имзолайди.
"Кўклар" нидерландиялик футболчининг трансфери учун тахминан 50 миллион евро тўлайди, футболчининг шартномаси 2033 йилнинг ярмигача мўлжалланган, дейилади инсайдер Николо Скиранинг янги ҳисоботида. Битим аллақачон ёпилган. Англия гранди май ойидан бери 19 ёшли юлдузнинг трансфери устида иш олиб борди - уни шахсан лондонликлар бош мураббийи Энцо Маресканинг ўзи сотиб олишни талаб қилди.
Йоррель Хато ўтган мавсумда "Аякс" сафида 50 та ўйинда майдонга тушиб, 3 та гол ва 6 та голли узатмани ўз ҳисобига ёздириб қўйди. Вундеркинд Нидерландия терма жамоасида олти ўйинда қатнашган.













