Amsterdamning "Ayaks" klubi himoyachisi Yorrel Xato "Chelsi" bilan uzoq muddatli shartnoma imzolaydi.
"Ko‘klar" niderlandiyalik futbolchining transferi uchun taxminan 50 million yevro to‘laydi, futbolchining shartnomasi 2033 yilning yarmigacha mo‘ljallangan, deyiladi insayder Nikolo Skiraning yangi hisobotida. Bitim allaqachon yopilgan. Angliya grandi may oyidan beri 19 yoshli yulduzning transferi ustida ish olib bordi - uni shaxsan londonliklar bosh murabbiyi Enso Mareskaning o‘zi sotib olishni talab qildi.
Yorrel Xato o‘tgan mavsumda "Ayaks" safida 50 ta o‘yinda maydonga tushib, 3 ta gol va 6 ta golli uzatmani o‘z hisobiga yozdirib qo‘ydi. Vunderkind Niderlandiya terma jamoasida olti o‘yinda qatnashgan.
