"Манчестер Сити"нинг ҳужумкор ярим ҳимоячиси Жек Грилиш "Эвертон" қизиқишлари доирасида бўлиб турибди.
"Ирислар" "шаҳарликлар" бош мураббийи Хосеп Гвардиоланинг режаларига кирмайдиган 29 ёшли футболчи бўйича янги музокаралар ўтказишни режалаштирган, деб хабар бермоқда журналист Бен Жейкобс. "Эвертон" Грилишнинг ижарасига қизиқиш билдирмоқда ва агар футболчи маошининг сезиларли даражада пасайишига рози бўлмаса, тўлиқ трансферга умид қила олмайди.
Жек Грилишнинг машҳур Transfermarkt сайтидаги нархи - 28 млн евро. Инглизнинг "Манчестер Сити" билан шартномаси 2027 йилнинг ёзигача амал қилади.
Шунингдек, Грилишга "Наполи", "Бешиктош" ва Саудия Арабистони чемпионати вакиллари ҳам қизиқиш билдирган.
