Лондоннинг "Арсенал" клуби форварди Виктор Дьёкереш Англияга кўчиб ўтганидан кейинги ҳиссиётлари билан ўртоқлашди.
"Қанча узоқ кутсанг, таъм шунча яхши бўлади," - деб ёзди ҳужумчи ўзининг ижтимоий тармоқдаги саҳифасида "Арсенал" либосидаги сурати остига.
"Канонирлар" 26 июль куни швециялик тўпурар билан шартнома имзолаганини эълон қилди - у "Спортинг"дан сотиб олинган эди. Дьёкереш Лондон клубида 2030 йилгача тўп тепади. Ҳужумчини сотиб олиш инглизларга бонуслар билан бирга 73,5 млн еврога тушди. Футболчи янги клубида 14-рақамни танлади.













