Саудия Арабистони клублари "Барселона" ҳужумчиси Роберт Левандовскини сотиб олиш имкониятини ўрганмоқда.

Польшалик футболчи Каталонияда асосий таркиб ҳужумчиси ҳисобланади ва бу ёзда бошқа жамоага ўтишни режалаштирмаяпти, бироқ Саудия клублари форвард фикрини ўзгартириши учун унга катта маошли узоқ муддатли шартнома таклиф қилишга тайёр ва унинг атрофидагилар билан музокараларни бошлаб юборган, деб ёзади Mundo Deportivo. "Кўк-анорранглилар" бош мураббийи Ханс-Дитер Флик Левандовскидан умид қилмоқда, аммо "Барселона" фойдали таклиф тушса, футболчининг кетишига тўсқинлик қилмайди.

Роберт Левандовскининг амалдаги шартномаси келаси йилнинг ўрталарида ўз ниҳоясига етади. Август ойида польшалик 37 ёшга тўлади.