"Комо" ҳужумкор ярим ҳимоячи Николас Паснинг барча ҳуқуқларини сотиб олишга қарор қилди. Айни пайтда итальян клуби аргентиналик футболчига "Реал" билан биргаликда эгалик қилмоқда - "қаймоқранглилар" ўз тарбияланувчисининг келажакдаги трансфер суммасининг 50 фоизини олади, шунингдек, уни биринчи навбатда сотиб олиш ҳуқуқига эга. Инсайдер Жанлука ди Марционинг таъкидлашича, "Комо" барча истиснолардан халос бўлишни ва 20 ёшли футболчининг 100 фоиз ҳуқуқини қўлга киритишни истамоқда. Бу борада ишлар олиб борилмоқда. Албатта, "Реал" бундай операция учун жиддий товон пули талаб қилади.

Николас Пас ўтган йилнинг августида "Реал"дан "Комо"га ўтган эди. Transfermarkt портали янги юлдузнинг нархини 35 млн еврога баҳоламоқда.