"Komo" hujumkor yarim himoyachi Nikolas Pasning barcha huquqlarini sotib olishga qaror qildi. Ayni paytda italyan klubi argentinalik futbolchiga "Real" bilan birgalikda egalik qilmoqda - "qaymoqranglilar" o‘z tarbiyalanuvchisining kelajakdagi transfer summasining 50 foizini oladi, shuningdek, uni birinchi navbatda sotib olish huquqiga ega. Insayder Janluka di Marsioning ta’kidlashicha, "Komo" barcha istisnolardan xalos bo‘lishni va 20 yoshli futbolchining 100 foiz huquqini qo‘lga kiritishni istamoqda. Bu borada ishlar olib borilmoqda. Albatta, "Real" bunday operasiya uchun jiddiy tovon puli talab qiladi.

Nikolas Pas o‘tgan yilning avgustida "Real"dan "Komo"ga o‘tgan edi. Transfermarkt portali yangi yulduzning narxini 35 mln yevroga baholamoqda.