"Барселона" "Байер"да ўйнаётган чап қанот ҳимоячиси Алехандро Гримальдони қайтариш режаларидан воз кечмади.

"Кўк-анорранглилар" тарбияланувчиси Ла Лигада ўйнашни исташини бир неча бор таъкидлаган. Transfer News Live нашрининг El Nacional'га таяниб хабар беришича, "Барселона" Гримальдо билан шартнома имзолашга қизиқиш билдирмоқда, бироқ келишув Каталония гранди кимнидир сотиб юборган тақдирдагина амалга ошиши мумкин. Кетиш учун асосий номзодлар Андреас Кристенсен, Ориол Ромеу ва Иньяки Пенья.

Алехандро Гримальдо Transfermarkt маълумотларига кўра 30 млн еврога баҳоланган. 29 ёшли футболчининг "Байер" билан шартномаси 2027 йилнинг ярмигача мўлжалланган.