"Манчестер Сити" ҳужумкор ярим ҳимоячиси Жек Грилиш "Наполи"нинг трансфер мақсадларидан бири ҳисобланади.
Италия чемпиони "Болонья"дан Дан Ндойени ўз сафига қўшиб олмоқчи эди, аммо трансфер борасида келиша олмади. Энди неаполликлар Грилиш вариантига ўтиши мумкин, дея хабар бермоқда La Gazzetta dello Sport. "Шаҳарликлар" 29 ёшли футболчи учун тахминан 45 млн евро сўрамоқда, аммо клублар кейинчалик сотиб олиш имконияти билан ижарага олиш бўйича келишиб олиши мумкин. Инглизнинг ўзи трансфер учун маошини қисқартиришга тайёр.
"Наполи"да Жек Грилиш "Манчестер Сити"даги ўйинлари орқали яхши таниш бўлган Кевин де Брюйне билан бир жамоада ўйнаши мумкин.
