Англиянинг "Ливерпуль" клуби "Бавария" футболчисига айланиш арафасида турган Луис Диасга муносиб ўринбосар топиш устида иш олиб бормоқда. Бу ҳақда TheHardTackle портали хабар бермоқда.
Манбага кўра, "Ливерпуль" 3 нафар футболчи - "Реал"дан Родриго, "Лион"дан Малик Фофана ва "РБ Лейпциг" вакили Антонио Нуса номзодини кўриб чиқмоқда. Учала вариант ичида Нуса энг арзон ва истиқболли вариант бўлиб, унинг нархи 46,2 миллион еврони ташкил этади.
Ўтган мавсумда 20 ёшли норвегиялик вингер клуб миқёсида 40 та ўйинда 8 та голли узатмани амалга оширди ва 5 та гол урди. Унинг ҳисобида Норвегия терма жамоаси сафида 15 та ўйин ва 5 та гол бор.
