"Манчестер Сити" дарвозабон Штефан Ортега билан хайрлашишга тайёр.
Сешанба куни "шаҳарликлар" ўз тарбияланувчиси Жеймс Траффорд қайтганини эълон қилди - у "Бёрнли"дан 31 млн еврога сотиб олинди. Инсайдер Фабрицио Романонинг маълум қилишича, инглиз билан шартнома имзоланганидан сўнг, раҳбарият Ортегага ўзига янги клуб излаши мумкинлигини айтди - энди унга ишонч билдирилмайди.
Штефан Ортега уч йилдан буён "Манчестер Сити" шарафини ҳимоя қилмоқда. Германиялик футболчи Хосеп Гвардиола жамоасида жами 56 та ўйинда майдонга тушиб, 51 та гол ўтказиб юборган. Transfermarkt портали мутахассислари 32 ёшли футболчининг нархини 8 млн еврога баҳоламоқда.
