Саудия Арабистонининг "НЕОМ" клуби "Монако" билан 19 ёшли ярим ҳимоячи Саймон Буабренинг трансфери бўйича келишиб олди, деб хабар берди Х ижтимоий тармоғида журналист Фабрицио Романо.
Манбага кўра, трансфер қиймати 10 миллион еврони ташкил қилади. Шунингдек, монегаскликлар 2 миллион еврони бонус сифатида олишлари мумкин, шунингдек, ўйинчининг кейинги сотувидан фоиз олишади. Ҳозирда "НЕОМ" футболчи билан шахсий шартнома тафсилотларини муҳокама қилмоқда.
2024/25 йилги мавсумда Буабре Франция чемпионатида 3 та ўйинда иштирок этди, шунингдек, Франция кубогида битта ўйинда майдонга тушди.
