"Ливерпуль" вингери Луис Диас тез орада "Бавария"га ўтади.

Клублар трансфер шартларини келишиб олишди - мерсисайдликлар 28 ёшли футболчини сотишдан тахминан 75 млн евро ишлаб олишади. Колумбиялик футболчи трансферни якунлаш учун аллақачон Мюнхенга етиб келган. Журналист Бен Жейкобснинг маълум қилишича, "Ливерпуль" Диасни "Бавария"га ўтишни талаб қилмагунча сотишни режалаштирмаган. "Қизиллар" раҳбарияти футболчининг илтимосига қулоқ тутди ва уни янги чақирувга қўйиб юборишга қарор қилди.

Луис Диас "Ливерпуль" сафида 148 та ўйинда майдонга тушиб, 41 та гол урди ва 23 та голли узатмани амалга оширди. 2022 йилнинг январида инглиз гранди вингерни "Порту"дан 49 млн еврога сотиб олганди.