"Интер" Адемола Лукман бўйича таклифни яхшиламайди.
Аввалроқ, "Аталанта" форвардни 42+3 миллион еврога сотмагани ва 50 миллион евро миқдорида туриб олгани маълум бўлганди.
Жанлука Ди Марционинг фикрича, миланликлар бундан каттароқ таклиф билан чиқишмайди. Футболчининг агентлари Бергамо клубини аввалроқ таклиф қилинган шартларни қабул қилишга кўндиришмоқчи.
Ўтган мавсумда Лукман А Сериянинг 31 ўйинида 15 та гол уриб, чемпионат тўпурарлари пойгасида 3-ўринни олди.













