"Ливерпуль" ярим ҳимоячиси Флориан Вирц Осиё турнеси доирасида "Йокогама Ф.Маринос"га (3:1) қарши учрашувнинг энг яхши футболчиси деб топилди. Мукофот сифатида немис футболчиси 1 миллион ¥ - тахминан 5 минг фунт стерлинг олди.
Эслатиб ўтамиз, Вирц ушбу ўйинда "мерсисайдликлар" сафида дебют голини киритганди. Футболчи учрашувнинг 62-дақиқасидаёқ ҳисобни тенглаштирди.
Эслатиб ўтамиз, "Ливерпуль" 20 июнь куни "Байер"дан 22 ёшли ярим ҳимоячи трансферини эълон қилган эди.
Ўтган мавсумда Вирц барча турнирларда 45 та ўйинда қатнашиб, 16 та гол урди ва 15 та голли узатмани амалга оширди. Transfermarkt порталида келтирилган маълумотларга кўра, футболчининг бозор қиймати 140 миллион еврони ташкил қилади.
